عاجل..”إحنا في أزمة لكن موقفناش”.. السيسي لأهالي البحيرة.

عاجل..”إحنا في أزمة لكن موقفناش”.. السيسي لأهالي البحيرة.

أكد  الرئيس عبدالفتاح السيسي، إننا نستطيع معا كدولة وشعب أن نتغلب كافة التحديات التي تواجهنا

جاء ذلك خلال لقائه اليوم الأربعاء، مع أهالي قرية “الأبعادية” بمحافظة البحيرة، بعد افتتاح عدد من المشروعات ضمن مبادرة “حياة كريمة”

وأضاف: “لا أحد يستطيع أن يفعل شيئا بمفرده .. لا رئيس ولا حكومة ولا مؤسسات .. ولكن نستطيع معا كدولة وشعب أن نواجه التحديات”

وتابع: “اللي بيحصل في بلدنا على مدى 8 سنين وحجم العمل، لو مكنتوش انتوا فيه شباب وشابات وحتى الكبار في السن، طب احنا في أزمة دلوقتي أه، بدأت بأزمة كورونا وبعدين حرب روسيا وأوكرانيا، لكن احنا موقفناش، يمكن تكون غلت الأسعار، اه وغلتها كتير، أه طبعا، لكن خلي بالكم في الـ 3 سنين دول زدنا 6 مليون”

واستكمل الرئيس السيسي: “مقصدش بالكلمة دي أي حاجة، لكن بحط الصورة جنب بعضها، بقولكم عندنا في مصر نتيجة فضل الله والأمن فيه 9 مليون ضيف، وفي الـ7 أسابيع اللي فات نتيجة أحداث السودان أكتر من 220 ألف إنسان دخلوا عشان الظروف اللي موجودة، وبالمناسبة بقول لأشقاءنا في السودان، خلي بالكم من بلادكم، ولما كنت بقول الكلام ده كانوا يقولوا هو بيقول الكلام ده، بقوله عشان شفت وانتوا شفتوا”

وقال الرئيس: “الدول اللي حصل فيها مشاكل واقتتال جه منهم عندنا ملايين عايشين معانا، طب احنا ظروفنا صعبة، كان ممكن نقول لأ، بيخشوا المدارس بتاعتنا والمستشفيات، احنا بنتشارك اللي موجود وهو مش كتير، احنا بنحاول نخفف من آثار الأزمة اللي بقالها 3 سنين، دي مش كبيرة على دولة تفضل تقاوم، ليها تأثير على دول اقتصادها أقوى مننا، بنقول الحد الأدنى من الحاجة تبقى موجودة”