شاب يكشف أسباب توثيق لحظات احتضار والده ونشرها على وسائل التواصل
شاب يكشف أسباب توثيق لحظات احتضار والده ونشرها على وسائل التواصل
أوضح شاب يدعي محمد علام؛ أسباب قيامه بتوثيق لحظات احتضار والده على وسائل التواصل الاجتماعي حتى اعلان وفاته
واكد الشاب في مداخلة هاتفية مع برنامج “صالة التحرير” المذاع على قناة “صدى البلد”: “في ناس كتير مكانتش تعرف ايه صلب الموضوع؛ أنا كنت بمر بمرحلة صعبة ووالدي قعد معايا وكان حاسس أنه هيتوفي”
وأضاف: “الفيديو أنا مصوره من قبل ما والدي يتوفي بـ 11 يوم؛ الفيديو أنا نزلته بعد ما والدي اتوفي وكنت عايز أكتر عدد من الناس تدعيله وتترحم عليه؛ في فيديوهات كتير على السوشيال ميديا ناس كتير منزله لوفاة أبوهم أو أمهم”
وتابع: “صورت فيديو في الإسعاف قبل ما يتوفى بـ 11 يوم وجاب مليون و700 ألف مشاهدة؛ وأحنا صورنا واحنا في المقابر وفيديو في عربية الأسعار وهو كان في العربية قبل ما ندفنه وأنا صورت الحاجات دي ليا أنا”
وأكمل: “حد قالي نزل الفيديو عشان الناس تترحم على والدك وقالي أنا مش شايف أن فيها غلط ومعظم الناس بتعمل دة ودي مفيهاش فايدة مادية ولو بجنيه؛ الناس خدت سكرينات من الفيديو ومنزلوش الموضوع كامل”
وأوضح: “أنا ندمت من بعد اللي شفته من الناس؛ الفيديوهات أنا قمت باخفائها لأن دة طلب من المحامي بتاعي وانا باخد الإجراءات القانونية ضد الناس اللي خدت صور والدي؛ في ناس انتقدتني وفي ناس فهموا الموضوع كويس واتعاطفوا معايا”
وواصل: “أنا معرفش أن الموضوع فيه حرمانية وأنا مصورتش في موقف مخل؛ الناس هي اللي عقولها بقت كدة”
وأثار الشاب مشاعر الغضب لدى الكثيرين، بعد نشره مجموعة من الفيديوهات لوالده عبر تطبيق “تيك توك”، يوثق فيها لحظات احتضاره
ونشر شاب يدعى محمد علام، فيديو لوالده طريح الفراش في المستشفى، وعلق عليه: “أبويا بيموت، شيروا الفيديو عشان ناس كتير تدعيلو”، وبالفعل دعا له عدد كبير من الناس
ولم يتوقف الأمر عند هذا، فبعد وفاة والده، بدأ الشاب محمد بنشر عدد من الفيديوهات التي التقطها لوالده في الساعات الأخيرة من حياته، فظهر في أحد الفيديوهات يبكي وهو يصور جثة والده في الكفن، وكتب: “أبويا مات شير الفيديو عشان الناس تدعي له بالرحمة”