بعض نصائح مطبخ مصر الآن.

بعض نصائح مطبخ مصر الآن.

يقدم إليكي سيدتي بعض نصائح مطبخ مصر الآن لعمل طعام ذو طعم ونكهة.

1 – وانتي بتسوي الأكل سويه علي نار هادية هيفرق جدا

معاكي في الطعم يعني بمجرد

أنه يغلي هدي النار و غطي

الحلة وسيبي الأكل يستوي

براحته عالآخر وشوفي طعمه هيبقي ازاي ..

2 – خلي بالك وانتي بتحطي البهارات عشان كل اكله وليها بهاراتها المخصوصة مثلا الكمون مينفعش تحطيه مع اللحمه العصاج دائما حطي البهار المناسب للوصفة والكمية المناسبة بدون مبالغة عشان متفقديش الطعم الأصلي و اللذيذ للطبق .

3 – جربي حطي شوية سكر مش كتير.. للملوخية و البسلة و الرز بالبصل هيديها طعم رائع وكمان هيظهر الطعم

4 – وانتي بتعملي الرز بالشعرية دايما حطي الشعرية نصف مقدار الرز عشان تديكي طعم لذيذ زي بتاع المطاعم

5 – إدعكي بصل السلطة الخضراء بملح وفلفل أسود و ليمون وسبيه علي جنب ولما تيجي تقدميه حطيه مع باقي المكونات ليه بقي ؟ عشان بيكسر حدة طعم البصل و يقضي علي رائحته الغير مستحبة بالفم

6 – عايزة السلطة الخضراء بتاعتك تبقي زي بتاعت المطاعم ، ضيفي شرائح بصل ، كزبرة جافة ، ملح ، ليمون ، خل ، كمون ، كزبرة خضراء و بقدونس و شبت بجانب الطماطم و الخيار و أي خضار تاني انتي عايزة تزوديه.

7 – اوعي تسيبي صلصة الكشري تتسبك كتييير هما مجرد غلوتين للحصول علي القوام المضبوط وبس عشان طعمها ميغيرش..

8 – بصل الكشري البني قبل ما تحميره حطيه في ملعقة دقيق و نفضي الدقيق الزائد و اقليه لغاية متوصلي للون اللي عايزاه وكده مش هيشرب زيت وهيقرمش ..

9 – وانتي بتسلقي الفراخ والأرانب شوحيها الأول في السمن مع شوية من المستكة و الحبهان وورق اللورا و الفلفل الأسمر الحب كويس والبصل والطماطم وبعدين صبي عليها مايه مغليه واعملي احلي شوربة ..

10 – وانتي بتشتري البهارات اشتريها حبوب و نقيها وبعدين اطحنيها و بالنسبة للكزبرة و الكمون حمصيهم الأول علي النار قبل ما تطحنيهم وشوفي فرق الطعم بنفسك

11 – اعجني المعجنات و المخبوزات باللبن الرايب و شوفي بقي هيخلي العجينة ازاي هشة و طرية و لذيذة وكلي منها وادعيلي

12 – عايزه ستيك اللحم زي المطعم بالظبط تبليه بملح و فلفل بس……

دمتم في سعادة وهنا