صنية جمبري جامبو بالخضروات
صنية جمبري جامبو بالخضروات
احلي وأسرع واسهل صنية جمبري جامبو في اقل من ١٠ دقايق علي أصولها.
جمبري جامبو
ملح وفلفل
كمون
كزبره ناشفه
ثوم
عصير ليمون
قشر ليمون
بصل حلقات
طماطم حلقات
فلفل اخضر
فلفل الوان
كرفس
جزر حلقات
زبده (اختياري)
هنغسل الجمبري كويس جداً ونشيل الكيس الرملي من الضهر كويس جداً.
في صنيه هنحط كل الخضار والجمبري وننزل عليهم بالتوابل والليمون والثوم وقشر الليمون والكرفس ونقلبهم كلهم مع بعض كويس جداً جداً وفي الخطوه دي ممكن نضيف مكعبات زبده علي الوجه ونغطيه كويس بورق الفويل ونرفعه علي النار لمده ١٠ الي ١٥ دقيقة حتي ينضج تماماً وينزل كل المياه بتاعته منسبهوش علي النار كتير عشان ميجلدش مننا مش بياخد اكتر من ربع ساعه خالص ونقدمه مع ارز بسمتي صيادية او مصري وبالف هنا وشفا سهل وسريع جداً وجميل
ملحوظه
ممكن نزود كوب مياه لو حابين الصوص كتير .
ممكن نضع زبده علي الوش اختياري لو حابينه بالزبدة.
للارز :-
ارز بسمتي صيادية
كوب ارز بسمتي
بصله مقطعه مكعبات صغننه
٢ جزر مبشور
مكعب مرقه
معلقه صلصة
ملح وكمون
كزبره
زيت وزبده
معلقه سكر
٢ كوب ونصف مياه
الطريقة:-
هنضع في الحله الزيت والزبده وننزل بالبصلة ونشوحها حتي اللون البني الفاتح وبعدها ننزل بالجزر المبشور والملح والكمون والكزبره الناشفه ومكعب المرقه والسكر ونقلبهم مع الارز وننزل الصلصة وننزل بالارز معلقه بكل المكونات دي ونقلبهم وننزل ب المياه السخنه علي كل كوب ارز ٢ ونصف كوب مياه سخنه ونسيبه علي نار عاليه حتي يتشرب المياه و نوطي النار لحد ما يستوي تماماً ونقدمه بالف هنا وشفا