طريقه عمل الكنافه بالمكسرات

طريقه عمل الكنافه بالمكسرات هنعملها بطريقه سهله وناجحه

المقادير

نصف كيلو كنافه

كوب سمنه(⅓ سمن بلدى ،⅔ زيت) وهقولك ليه زيت

وبس

الشراب

٥٠٠ جرام سكر. ٣٥٠ جرام ماء .رشة فانيليا. ملعقه ماء ورد. نصف ليمونه

طريقةالتحضير

نجهز الشربات الأول ولازم يكون قوام وسط علشان تضبط الكنافه وتكون متماسكه وطريه وفيها سنه قرمشه كل دا بناخده من اننا نضبط قوام السيرب

.. السكر مع الماء يغلى وبعدين نهدى النار ونسيبه يغلى على الهادى مده ٧دقيقه كده تسويه السكر نضيف بعدها الليمون الفانيليا وماء الورد وننتظر دقيقتين تلاته ونطفى

..نجهز الكنافه نحتاج للمقدار النصف كيلو صينيه مدورة مقاس ٢٦ سم أو ٢٤ سم ولو حابه تكون سميكه شويه

…ندهنا كميه سمنه كويس ب٣ ملاعقه كبيره

…نفكك الكنافه من بعضها و ننزلها رش فى الصينيه لحد ونساوى بايدينا الاطراف والوسط ومش نضغط عليها غير من الوسط بس علشان لما نحشيها ونضيف الطبقه التانيه تتماسك مع بعض

وتحضر الحشوه اى كانت هنا عملتها مكسرات نضيفها فى الوسط ونوزع كويس وبعدين نرش الطبقه التانيه لحد ما نكملها ونساوى بايدينا برده

.. نجهز كيس نضيف ونغطى به الكنافه ونجيب صينيه نفس حجم صينيه الكنافه بحيث انهم يكونوا متداخلتين نكبس بيها صنيه الكنافه ونضغط كويس وفى حاجه فى مطبحك تقيله فوقهم بحيث تنضغط وتبلط كده أو تسطح علشان تكون متساوية زى ما بتشوفيها في المحلات

…بعد ¼ ساعه اضيف السمنه مع الزيت وبتكون سايحه واسقى بيها الكنافه كويس والزيت هنا علشان ما تكون تقيله فى الاكل وبيحافظ على السمنه من انها تتحرق وطعمها يغير وتعطى قرمشه برده

…ادخلها فرن مسبق التسخين على حرارة ١٩٠ درجة مده ١٥ دقيقه واطلعها اقلبها على الوش التانى وادخلها كمان ٥ دقايق

…حضرتك تضبطى اللون اللى بتحبه فى الفرن وقت التسويه

…اول ما تخرج نسقى السيرب الوسط بارد لحد ما تتشبع ونتركها ١٠ دقايق ثم تقبلها الجهة التانيه برده علشان تتشرب وتغطيها واسيبها تبرد تماما قبل ما اقطعها وكل عام انتم بخير