أنا ما اخترتش أبويا

أنا ما اخترتش أبويا

كلمات للشاعر اللواء محمد هيكل

أنا ما اخترتش أبويا ……. دا مفيش للخلق سوق

لكن هفضل أقولها ………. و انا رافع راسي فوق

والله يا بختي بيك ………… من دون كل العيال

خلتني نضيف و طيب …….. ربتني على الحلال

مابخلتش يوم عليا …… و إديتني بدون حساب

خلتني عزيز في نفسي …… و بعمل لله حساب

أنا شوفت كتير أساتذه …….. كله راح و اتنسى

و انت اللي فضلت يابا … 100جامعه و مدرسه

نصايحك سـر باتع ………. و حجاب من أي هم

كلامك ليا منهج …………. بذاكره ب قلبي صم

أنا لو هفضل بشعري ….. أوصف شوقي لـ لقـاك

هفضل مديون بعمري …….. لـ يوم واحد معـاك

و هينزل دمع عيني …… يملا بحور من حنيني

على كل ذكرى يابا ……… عاشت بينك و بيني

الله يرحم أبويا ………. أبو قلب و نيـه سِمحه

و كل أب سايب …………… وراه ذرية صالحة.