افكار سريعة هتنفعك فى المطبخ
افكار سريعة هتنفعك فى المطبخ
ضعي بيكنج بودر علي عجينة الكفته المشوية
وابقي إدهني ايدك بمية البصل ومعاها معلقة صلصة ورشة سكر وانت بتصبعيها
تبلي دقيق السمك بملح وفلفل وكمون وشطة ونشا وبيكنج باودر
وقبل القلي رشي عليه الميه بالبخاخة وضعيه مباشرة في طاسة التحمير هيقرمش اكتر.
الفينو القديم قطعيهم وحمصيهم واطحنيهم
وبعدين ضيفي عليهم توم بودر وبصل بودر وبابريكا وملح وفلفل ونشا وبيكنج بودر (للبانيه والفراخ المقرمشة.
البتنجان المخلل ضيفي قليل من النعناع الناشف مع التوم.
البشاميل ضيفي جبنه مثلثات او كريمي اوقشطة اوجبن، رومي مبشورة و٣ ملاعق مايونيز
وعلي الوش موتزريلا بيكون مميز اكتر
الملوخيه رشة سكر بعد ما تطفي عليها هتخليها زي العسل
ملعقة سكر في صلصة المكرونة هتعادل الحموضة وتبقي مسكرة مفيهاش مزازة.
نضيف لتتبيله البانيه ذبادي بيخليه طري من جوة وجوسي
الشاورما اللحمة والحواوشي ضيفي لهم قطعة ليه مقطعه صغير جدا الحركة دي بقي بتاخدهم في حتة تانية
البطاطس قبل ماتحمريها اسلقيها عشر دقائق في ميه وملح بتقرمش ومش بتشرب زيت .
قشر الليمون مش ترميه خليه عالحوض بعد ماتغسلي
المواعين ادعكي بيه ايدك هينعمها جدا
رشة لبن بودرة علي وش البشاميل بتدي لون حلو لو مفيش موتزاريلا .
محشي الكرنب سخني حته زبدة وقشطة وحطيه عليه وغطي الحله قبل ما يستوي .
ملعقة خل في الكيكة هتديكي هشاشة حلوة
القليل من العسل او السكر ، في تتبيلة الفراخ المشوية.
البتنجان المحمر خلليله وهو ساخن واقفلي عليه العلبه.
ملعقة بيكنج بودر في الشوربة اللي هتسقي بيها الرقاق باللحمه هيكون مقرمش ومورق .
البطاطا المشوية اعمليها في الكيس الحراري ورشي عليها قليل من السكر ودخليها الفرن ودي ليها فيديو علي الصفحة النتيجة واااااو بجد.
ادعكي الفراخ ببصلة وملح وفلفل قبل السلق يديها طعم.
لما تشربي القهوة مترميش التفل ده سكرب هائل لبشرتك.
اكياس الشاي مترميهاش سقعيها في الثلاجه وحطيها علي عينك واعملي بها كمادات لعلاج اجهاد العين .
الرز باللبن ضيفي عليه كريمة لباني هيكون احسن من اي محل .
رشي دقيق او نشا علي بصل الكشري قبل التحمير هيخلية مقرمش.
سفن اب او ميرندا بديل للحليب وهتخلي الكيك هش جدا
رشة زعتر علي صلصة المكرونه او صلصه البيتزا
لو عندك كميه من الليمون لفية في ورق جرائد قبل حفظه في الثلاجة..
#وصفاتيمعرانيا_المصري