#عاجل_علاغانم ضيفة برنامج العرافة..الليلة
#عاجل_علاغانم ضيفة برنامج العرافة..الليلة
الليلةتحل الفنانة علا غانم اليوم السبت ضيفة على برنامج العرافة للإعلامية بسمة وهبة في حلقة نارية وتذاع اليوم السبت في تمام الـ 6.15 مساءً
ومن المقرر أن تتحدث علا في الحلقة عن تفاصيل أزمتها الشهيرة مع طليقها الأخير، والكثير من الأمور الأخرى التي تخص حياتها الشخصية والفنية
ومن جانب أخر، أكدت الفنانة علا غانم حقيقة خلافاتها مع زوجها خلال لقاءها مع الإعلامية ريهام سعيد على شاشة قناة الشمس
وكشفت: “تعرضت لقهر وإهانة بشعة، تعرضت لسرقة عمرك وشقاكي، كل حاجة عملتها في حياتي في مدار 25 سنة بتروح.. مشكلتي مش اني عشت علاقة زوجية مش سوية لمدة 11 سنة، مش دي مشكلتي.. كل حاجة بتروح، السنين اللي راحت هاعرف أرجعهم، يتعوضوا! أي حاجة تتعوض”
وأضافت: “من 2017 وأنا بحاول أتطلق، أنا دفعت ثمن طلاقي أكثر من مرة، في 2018 دفعت نص اللي معايا في أمريكا، حوالي 80 ألف دولار، دفعتهمله علشان نطلق.. خد الفلوس دي ونزل مصر وبخ.. نزل مصر ودخل بيتي وقال للشغالين مدام علا لو جت ما حدش يفتحلها.. ده بيتي أنا جايباه بشقايا بعرقي.. اديته 80 ألف دولار علشان نطلق بهدوء وسلام.. عرفت من الشغالين أن ده حصل قالولي أن تشالت اليافطة بتاعتك وحط يافطة باسمه”
وتابعت: “من أول لحظة وأنا تحت خداع وكذبة كبيرة، سلسلة أكاذيب كل يوم بتكبر.. ابتديت بشبكتي الفالوصو، بعد شهر أو شهرين اكتشفت أن أنا لابسة شبكة قزاز.. التبرير كان الظاهر أن الجواهرجي سرقني، كلها حاجات أنا ما صدقتهاش.. أنا عايزة أستمر وأكمل لأني مش عايزة أفشل للمرة الثالثة، مجتمعنا قاسي جدًا ومعايا بنتين معتمدة على نفسي اعتماد كلي”
وأشارت: “أنا اتجوزت آخر 2005، وتركت التمثيل في العام 2017.. أنا ما تجوزتش ولا ملياردير ولا حاجة، اتجوزت رجل عادي مصري أمريكي قابلته بالصدفة بأمريكا، كان عنده محطة بنزين وباعها قبل ما اتعرف عليه، كان عنده مطعم ونايت كلوب برضه كان بايعه”
وذكرت: “اتجوزت عشان كنت محتاجة في المرحلة الي أنا فيها رجل جنبي أكبر مني في السن بحوالي 16 سنة، حسيت أن هو حيكون احتواء ليّ وسند، حيساعدني في الجاي بناتي بيكبروا وبثمل وقتي مش فاضي، انفصلت عن أبو البنات وقعدت 11 سنة سينجل، واتجوزت بعدها وقعدت ست شهور واتطلقت في ثانية كده والحمد لله.. وبعدها قابلت جوزي السابق”
وذكرت:” نزلت القاهرة وعشت في القاهرة من يوم 4 أكتوبر لحد 3 فبراير، حد سمع عن علا غانم غير بحضر لشغل؟! يوم 3 فبراير الي هو قبل قضية الخلع بتاعتي بيوم، فجأة الغفير بتاعي جالي، وكنت عرفت قبلها بأسبوع انه نزل مصر، وكان بهددني انه حيشهر فيا على السوشيال ميديا لو ما وقفتش قضية الخلع لأن يوم أربعة كان قضية النطق بالحكم”