#الرئيس_السيسي الأمور بدأت تتحسن ولم أغامر بالمصريين ولم أتخذ قرارا يضيع مصر. #يوم_الشهيد

#الرئيس_السيسي الأمور بدأت تتحسن ولم أغامر بالمصريين ولم أتخذ قرارا يضيع مصر. #يوم_الشهيد

أكد الرئيس عبدالفتاح السيسي، إن المصريين تحملوا ضغوطا كثيرة في السنوات الماضية، لافتا إلى أن مصر استطاعت الانتصار في الحروب التي خاضتها ومن بينها حرب الإرهاب.

و جاء ذلك خلال حضور الرئيس عبد الفتاح السيسي، اليوم السبت، الندوة التثقيفية الـ ٣٩ للقوات المسلحة بمناسبة الاحتفال بيوم الشهيد، تحت عنوان “ويبقى الأثر”، بمركز المنارة للمؤتمرات بالقاهرة الجديدة.

وقال الرئيس السيسي: ” أنا مش بتكلم علشان أطيب الخواطر، وكلامي بقوله لكل المصريين، مش علشان يستحملوا أكتر أو يخلوا بالهم من بلدهم، إحنا 106 ملايين نسمة، وفي 9 ملايين ضيف عندنا، بصوا كل حتة حوالينا شمال وجنوب وشرق وغرب، ومش بقول كلام علشان مزعلش أى حد من أي دولة، شوفوا التأثيرات علينا، إحنا دولة مش مقوماتها كبيرة”.

وتابع الرئيس السيسي:” 10 سنوات من القتال وده له تكلفة، وقبل كده 2011، وله تكلفة، وبعده 2013 وله تكلفة، محدش يقدر يشيل لوحده، لكن مع بعضنا نشيل كلنا، أولا بفهمنا، بتكلم هنا وبقول إن الأمور بدأت تتحسن، أنا لم أغامر بالمصريين ولم أتخذ قرارا أضيع فيه مصر، ولا علشان هوا، أو فهم خاطي أو تقدير منقوص، ولا أدخلكم في الحيطة، خلوا بالكم إحنا مش فسدة، أو ضيعنا فلوسكم، بفساد أو دلع، سواء أنا أو الحكومة، هنا بسجل كلامي، من إنسان إنتوا اخترتوا تعالى تولى المسئولية، أنا قولتلكم تعالوا نتولى المسئولية.