عاشور عن تسريبات حسام حبيب: كل نجاحات شيرين كانت وسط أهلها.. ويارب يبعد عنها كل خبيث وأناني وفاشل وممثل
رد المطرب تامر عاشور على الأزمة التي أثيرت مؤخراً بعد التسريبات الصوتية التي انتشرت على مواقع التواصل الاجتماعي، للمطرب حسام حبيب والذي هاجم فيها عائلة شيرين عبد الوهاب ووصفهم بظالمين.
وقال تامر عاشور عبر حسابه على “أكس”: كل اللي أقدر أقوله في موضوع شيرين عبد الوهاب أن مفيش كلمة واحدة بس من اللي اتقالت وانتشرت صح، أنا قريب من أهل شيرين ووالدتها وأخوها، أنا برضه أقولها أني بحبها وكل الدنيا بتحبها وتحب فنها.
وأضاف: أهل شيرين مظهروش ف حياتها أخر سنتين تلاتة، أهل شيرين هم أهل شيرين من زمان كل نجاحات شيرين كانت وسط أهلها وناسها اللي يشيلوها من ع الأرض شيل، يارب يبعد عنها كل خبيث وأناني وفاشل وممثل.
واستكمل حديثه: هي أطيب منهم كلهم وهم اللي وقعوها فكل مشاكلها “أنت بمن حولك”، لو اللي حواليك فشله غصب عنك لازم تبقى زيهم وتعافر علشان تقدر تمارس اللي كنت بتعمله ف عدم وجودهم، بمنتهى السهولة أنا كلت عيش وملح ف بيتها وف بيت أمها وأخوها وكان لازم أقول الكلام ده علشان الكلام ده هو الكلام الحقيقي ولا كلمة من اللي اتقالت واتسمعت ليها أساس من الصحة، أهل شيرين هم هم أهل شيرين من زمان قوي.. بالعقل.
وكان قد علق المطرب حسام حبيب، على رسائله الصوتية المسربة، بشأن أزمة حسابات شيرين عبد الوهاب، والتي أثارت جدل واسع على مواقع التواصل الاجتماعي خلال الساعات القليلة الماضية، حيث اتهم فيها “حبيب”، شقيق النجمة شيرين عبد الوهاب، ببيع حساباتها على السوشيال ميديا.
وصرح حسام حبيب، لبرنامج ET بالعربي، قائلاً: الفويسات المنتشرة ليا دي متاخدة من تليفوني وأنا مصرحتش بالكلام ده، وأنا هقدم بلاغ للنائب العام ضد اللي سرقهم، ودي جريمة يعاقب عليها القانون، وأي حد هينشر كلام أنا مصرحتش بيه هعمل ضده بلاغ وأنا بحذر اللي هينشر.
وأضاف: أما الموضوع اللي في الفويسات إن أخوها مضى توكيل بأثر رجعي وإنه يتنازل عن السوشيال ميديا الخاصة بشيرين عبد الوهاب دون علمها، في بلاغ شيرين قدمته عن طريق المحامي ياسر قنطوش بتقول فيه نفس الكلام اللي قولته.
واستكمل حسام حبيب كلامه: أنا مبقولش كلام مرسل، والبلاغ بيقول نفس الكلام ده، والمفروض إن الناس بدل ما تهاجم تفهم مين السبب في إن شيرين مش عارفة تتواصل مع جمهورها ولا عارفة تنزل أغاني جديدة وهما اللي تسببوا في مشاكل كبيرة جدا بينها وبين شركة الإنتاج بتاعتها.
وأشار: سبحان الله أنا مقصدش إني أقول أي حاجة لأي حد، ولا أصرح بالكلام ده، أنا بتكلم مع حد في محادثة خاصة على تليفون وحد خدها وسربها وده شئ غير أخلاقي وأي حد يتداوله هيبقى نفس الموضوع، إنما المحتوى بتاع الفويسات صحيح.