كتب القلم في الورق
كتب القلم في الورق
بقلم محمد الشاعر
كتب القلم في الورق
كلام كتير وسطور
والحب كان زي وتد
في حياتي كان دستور
..
لا عمري يوم الكبر
أخدني له وغرور
ولا عمري كنت بشوف
في نفسي إني فخور
…
الحق صوته أحق
من أي صوت للزور
لو يوم أنا قلت لا
صعب إني اعود مكسور
..
حياتنا ايه غير دور
والكل واخد دور
والأرض كروية
بتلف بينا وتدور
…
اليوم بيلمع نجمي
ويسقف الجمهور
بكرة يغيب أنا قمري
وما أكونش بدر بدور
..
الكل عاش في ظلام
بعد اما عاش في النور
حياتنا مش بالقوة
ولا إني ابقى جسور
..
ازرع في أرضك خير
ليه تخلي أرضك بور
كل إللي عاش للناس
بالفرح عاش مسرور
…
كتب القلم في الورق
كلام كتير وسطور
والحب كان زي وتد
في حياتي كان دستور
الراااوي