نص أقوال المتهم باغتصاب نجلة شقيقه في الهرم: «معملتش حاجة وعايزين يفضحوني»
نص أقوال المتهم باغتصاب نجلة شقيقه في الهرم: «معملتش حاجة وعايزين يفضحوني»
كشفت تحقيقات النيابة العامة في القضية رقم 17526 لسنة 2024 جنح الهرم، والمتهم فيها شخص باغتصاب نجله شقيقه بمنطقة الهرم، تفاصيل الواقعة بالإضافة إلى أقوال المتهم أمام جهات التحقيقات.
نص أقوال المتهم باغتصاب نجلة شقيقه في الهرم: «معملتش حاجة وعايزين يفضحوني»
نص التحقيقات في واقعة اغتصاب، وجاءت أقوال المتهم بالتعدي على نجلة شقيقه بالهرم كالآتي: هو اللي حصل إن أخويا م. ع، اتحبس من شهر 11 سنة 2023 في تعاطي مخدرات وكان من قبلها بنته عايشة معاه بس كان بيخليها تروح كثير تقعد عند أخوها من أمها ه. أ. ع، ومراته س. ع، ومن بعد ما اتحبس هي فضلت قاعدة هناك عادي، وفي مرة رحت زيارة لأخويا في الحبس، قالي أخلي بالي من بنته، لأنه عرف إن مرات أخوها، دي ماشية مشي بطال.
نص أقوال المتهم باغتصاب نجلة شقيقه في الهرم: «معملتش حاجة وعايزين يفضحوني»
وأضاف المتهم بالتعدي على نجلة شقيقه بالهرم: وقتها هو كان خايف إنها تأثر على بنته وتخليها زيها وهو مش موجود، وفي نفس الوقت محدش من إخواتي الكبار كانت عايزها تيجي تعيش معاه في بيته فأنا قلت أخليها تيجي تعيش معايا أنا ومراتي وولادي ومحافظ عليها، وفعلا كلمتها كثير إنها تيجي تقعد معانا لحد ما أخيرًا سمعت الكلام وجاتلي من حوالي شهر ونص تقعد معايا، بس هي بدأت تتضايق من القعدة عندي لأنها حست إني خانقها ومش بخليها تنزل لوحدها تروح لصاحباتها أو تشتري حاجة أو حتى تشتغل عشان أحافظ عليها ولو هتنزل تروح حتة يا إما بروح معاها أو أخلي مراتي، تروح معاها.
نص أقوال المتهم باغتصاب نجلة شقيقه في الهرم: «معملتش حاجة وعايزين يفضحوني»
وتابع: وقتها هي بقت عايزة تروح تقعد عند أخوها زي الأول لحد يوم 2024/4/12 لقيتها بتديني موبايلها وبتقول لي إن أختها من أمها عايزة تكلمني فأنا كلمتها لقيتها بتقول لي بأسلوب تهديد إني أجيب أختها عند أخوها من غير شوشرة وإلا هيفضحوني فبسألها يفضحوني بإيه فقالت لي إنها سمعت اللي حصل وإني عايز أتهجم على أختها فأنا اتنرفزت وزعقت فيها اللي هو إيه اللي إنتوا بتقولوه ده، وقمت وأخد مراتي وأختها ورايحين عند أخوها واتخانقت معاهم إنهم بيقولوا عليا كدة ونزلت من عندهم وخدت أختها معايا ورحت بيها عند بيت أختي عشان تقعد عندها كام يوم طالما الموضوع وصل لكدة.
نص أقوال المتهم باغتصاب نجلة شقيقه في الهرم: «معملتش حاجة وعايزين يفضحوني»
واستكمل المتهم بالتعدي على نجلة شقيقه بالهرم: ثاني يوم أنا كنت في الورشة عرفت من إخواتي إن هيا اتصلت بالحكومة، والمباحث جات لها عند بيت أختي وخدوها القسم، وبعدها راحوا على بيتي وأنا مش موجود وكانت مراتي بره هي كمان مع العيال، بس بعدها أنا روحت بيتي عادي عشان أنا عارف إني معملتش حاجة والحكومة لو جت لي وحققوا في الموضوع هيعرفوا إني معملتش حاجة.