كنت فاكره الجواز ستر وسند طلع قهر وإهانة.. سيدة أمام محكمة الأسرة: «أهله بينادوني يا كرته»
كنت فاكره الجواز ستر وسند طلع قهر وإهانة.. سيدة أمام محكمة الأسرة: «أهله بينادوني يا كرته»
تقدمت سيدة في نهاية العشرينيات بدعوى طلاق للضرر ضد زوجها أمام محكمة الأسرة، موضحة في صحيفة دعواها تعرضها للسخرية المستمرة من زوجها واشقائه على كافة تفاصيل حياتها ما تسبب في إحساسها بفقدان الثقة بالنفس.
كنت فاكره الجواز ستر وسند طلع قهر وإهانة.. سيدة أمام محكمة الأسرة: «أهله بينادوني يا كرته»
وقالت السيدة في تفاصيل دعواها: «تزوجت زواج تقليدي بعد تأخري في الزواج، وللأسف وافقت عليه بسرعة عشان ارتاح من كلام الناس وضغط الأهل، كنت فاكرة إني خلاص هبدأ حياة مستقرة، لكن من أول يوم في الجواز حسيت إني مجرد سد خانة، مش زوجة ليها احترامها ومكانتها، إخواته كانوا بيتريقوا عليا، على شكلي، على شعري، على لون بشرتي، وينادوني يا كرته أو يا سوداء، ويبررون أنه مجرد هزار، وأنا كنت بحاول أتحمل عشان الحياة تمشي، لكن وجعني أكتر إن جوزي كان بيضحك على كلامهم ويسيبهم يتريقوا عليا وكأني مش موجودة».
وتابعت: «عدت سنين وأنا كل مرة أواجهه يقولي: ما تاخديش الكلام على قلبك، دول بيهزروا، بس الهزار ده وجعني، خلاني فقدت ثقتي في نفسي، بقى عندي اكتئاب، حتى بقيت أكره أبص في المراية، حاولت كتير ألفت نظره، كنت بقوله: على الأقل حسسني إن ليّا احترام، إني مش مجرد حاجة مالهاش قيمة، لكن كان بيرد عليا ببرود ويقول: «أنا كده، لو مش عاجبك الباب يفوت جمل».
واستطردت: «بعد 3 سنين عذاب، قررت أرفع دعوى طلاق، مش قادرة أكمل مع حد بيكسرني كل يوم، كنت فاكرة الجواز ستر وسند، لكن طلع قهر وإهانة، وأنا مش هقبل أعيش في ذل أكتر من كده».