طريقة عمل شوربة المشروم بالكريمة
طريقة عمل شوربة المشروم بالكريمة
شوربة المشروم بالكريمة من أجمل الشربات بالأخص أننا في أيام صيام التطوع.
ممكن نستغنا عن المشروم بقطع من صدور الدجاج.
طريقة عمل شوربة المشروم بالكريمة
المقادير :
معلقه صغيره زبده
بصلة مفرومة
3 معلقة كبيرة دقيق
كوب مرق
2.5 كوب حليب
نصف معلقة صغيرة ملح
ربع معلقة صغيرة فلفل اسود
2 كوب مشروم شرائح
نصف كوب كريمة طهي
نصف كوب فراخ مسلوقة مكعبات حسب الرغبة
بقدونس مفروم حسب الرغبة
-
في حلة على نار متوسطة نسيح الزبدة ونضيف البصل والثوم ونقلب لحد ما البصل يدبل وبعدين ننزل عليهم بالمشروم (لو المشروم معلب لازم نغسله كويس) ونقلب مع البصل حوالي دقيقة.
-
نضيف الدقيق ونقلبه مع المشروم كويس لحد ما نحسهم اندمجوا مع بعض.
-
نضيف المرق مع التقليب المستمر ونتبل بالملح والفلفل وننزل بالحليب ونقلب ونسيبها تغلي لمدة دقيقة وبعدين نضيف الكريمة ونستمر في التقليب ونخليها تاخد غلوة لحد ما نحصل على القوام المطلوب وممكن نضيف قطع فراخ حسب الرغبة ونغرفها في الأطباق ونقدمها. وبالف هنا