طاجن المكرونة بالفراخ.

طاجن المكرونة بالفراخ

المقادير :

نصف كيلو فراخ متقطع مكعبات صغيرة

2 بصلة كبيرة مفرومة

قرن فلفل مفروم حامي أو بارد

2 فص ثوم مفروم

التوابل ربع ملعقة ص من كلٍ من (كاري،،كزبرة ناشفة،،فلفل اسود،،بابريكا،،سبع بهارات،،ملح حسب الرغبة)

طريقة التحضير

في طاسة هنضيف زيت وننزل بالبصل والفلفل لحد مالبصل يدبل ننزل بالفراخ وبعدين نشوح كويس جداااا لحد مالفراخ تنزل ميتها وتشربها تاني وبعدين ننزل بالتوابل والثوم ونخلط وبعدين نقفل النار وبكده تبقي الفراخ جاهزة .

طريقة الصلصة للطاجن :

حلة ونحط فيها زيت وبعدين ننزل ببصلة مفرومة نشوحها لحد ماتدبل وبعدين ننزل بنصف كيلو طماطم معصورة ونسيبها تتسبك وبعد ماتتسبك هنزل ب 3 ملاعق ك خل أبيض و 2 فص ثوم مفروم والتوابل (ملح،،فلفل اسود،،كزبرة،،كمون،،

سبع بهارات،،بابريكا)

وبعدين نقفل النار وتبقي كده الصلصة جاهزة .

تطبيق الطاجن :

هندهن الطاجن زيت وننزل بالفراخ في قاع الطاجن

وبعدين في الحلة اللي فيها الصلصة هننزل بنصف كيلو مكرونة قلم ونقلبهم في الصلصة وننزل بربع كوب ماء مغلي

وننزل بكل ده علي الطاجن اللي فيه الفراخ وبعدين نغلفها بالفويل وتدخل فرن ساخن علي درجة حرارة 200 في الرف الأوسط لمدة 30 دقيقة وبتكون استوت وروووعة .

المكرونة نية مش مسلوقة .

تخرج من الفرن تهدي شوية وبعدين نقلبها في طبق ، وقدميها وملي أحلي طاجن مكرونة