يا امي
يا امي
كلمات الشاعر محمد عبد العزيز رمضان
يا أمي يا اغلى من عمري
بحبك وانتي جوايا
ومن غيرك انا ما اسوي
يا كل سعدي وهنايا
وشلتيني وأنا ببكي
ومن عمرك وهبتيني
سمعتيني وأنا بحكي
سهرتي الليل تسليني
ومن اوجاعي يا أمي
ما فيش غيرك بيشفيني
لأنك إنتي نبع حنان
ومن نبعه بترويني
ومهما بعدت يا أمي
دعاكي معايا يحميني
ومهما كبرت يا أمي
انا محتاج تضميني
وتحكيلي كمان حكايات
وبعدك عني يكويني
وياما دريتي عني دموع
ومن فرحك بتديني
وجعتي عشان انا اشبع
ومن اوجاعي تحميني
بحبك أيوه يا أمي
ونظرة عين بتشجيني
وصوتك كله دفا وحنان
وعمرك يوم ما تنسيني
وحبك ليا سر أمان
ومين غيرك بيهديني
ونفسي بجد يا أمي
تمد إديكي تخديني