نصائح مطبخ مصر الآن لو عندك عزومه من غير تعب.
نصائح مطبخ مصر الآن لو عندك عزومه من غير تعب.
لو عندك عزومه ممكن تتبعي الخطوات التالية هتنفعك وتفيدك.
١- اعملي السلطات من بالليل وغلفيها باسترتش
٢- لو في نوع سلطه بيحتاج انك تحطي صوص عليه حطيه قبل التقديم علشان السلطه متدبلش
٣- اعملي العصائر من بالليل ومتنسيش تجهزي مكعبات ثلج
٤- جهزي سفرتك ورصي الكوسترز و اطباق الاكل ورصي المعالق والشوك والسكاكين
٥- اغسلي البقدونس ونشفيه وقطعيه واحفظيه في كيس في الثلاجه علشان قبل تقديم الاكل توزعيه علي طول في طبق التقديم
٦- لو هتعملي صنف فيه بشاميل اعمليه من بالليل عادي وغلفيه باسترتش وقبل التسويه بساعتين طلعيه من الثلاجه وبعدين دخليه الفرن
٧- تبلي اللحوم قبل العزومه ب٢٤ ساعه علي الأقل
٨- حمري لسان العصفور واحفظيه في علبه في الثلاجه وقبل العزومه حطيه في حله وانزلي بالشوربه
٩- لو بتكوني مرتبكه وبتخافي اللحوم متستويش كويس استخدمي أكياس حراري علشان تضمني سواها