لقي ملازم “شهاب” 24 سنة مصرعه غرقا..بسبب إنقاذ آخر
لقي ملازم “شهاب” 24 سنة مصرعه
غرقا..بسبب إنقاذ آخر.
مصرع ملازم “شهاب” 24 سنة مصرعه غرقا،في ترعة الإبراهيمية.
البدايه. “شهاب” وهو عائد امس بالليل من بني سويف للقريتة ليقضي يومين إجازة مع أسرته رأي شاب يسقط بعربية في ترعة الإبراهيمة.. “شهاب” ركن عربيته على جنب ونزل في الميه بسرعة بهدومه عشان يجيب الشاب بدون لحظة تفكير ولا تردد واحدة!.. يمكن رد فعله كان أسرع من كل اللي كانوا على الطريق.. الناس اللي تابعوا الموقف بيقولوا إن “شهاب” كسر إزاز العربية وشد الشاب سحبه لـ بره بصعوبة وناوله لـ الناس اللي كانوا بدأوا يتلموا وواقفين.. الشاب نجي بس للأسف “شهاب” ماقدرش يخرج والميه سحبته لـ تحت غالباً بسبب شد عضلي، وفي الصباح تم استخراج جثمانه من ترعة الإبراهيمية. “شهاب” اتوفى وضحى بحياته عشان إنسان تاني مايعرفوش.. بدون ما يحسبها ولا يقول وأنا مالي ولا ينتظر مساعدة من حد يسبقه..
قصة هي قصه وعبرة في نفس الوقت”شهاب” هتدوب وسط ملايين القصص لمصريين جدعان جدعنتهم بتظهر وتختفي فى الضل.. “شهاب” شهيد بإذن الله ويستحق الدعاء من القلب وإن الناس تعرف الحدوتة بتاعته اللي بتثبت إن البلد فيها رجالة رجولتهم مش مقترنة بسنهم، وبتثبت برضه إن حكمة ربنا وتدابيره فوق كل شيء وإن أى واحد فينا ممكن يكون في لحظة سبب في إستمرار حياة غيره..