طريقة عمل الملوخيه بالجمبري
طريقة عمل الملوخيه بالجمبري
نص كيلو جمبري بقشره
كيس ملوخيه مفرز او فرش مخروطه
معلقتين صلصه طماطم
بصله مفرومه
راس ثوم
معلقتين كسبره ناشفه
ملح وفلفل اسود
معلقه سكر
قرن فلفل اخضر حامي
مرقه دجاج
مستكه وحبهان وورق لوروا
طريقه التحضير
اول حاجه نقشر الجمبري ونحتفظ بالقشر ونضع مايه علي النار تقريبا نص الحله ونضيف الصلصه والبصله والمستكه والحبهان وورق اللوروا والمرقه وقشر الجمبري ونسبهم يغلوا علي النار ونهدي النار علشان نعمل المرقه بتاعه الجمبري
تقريبا نص ساعه نصفي المرقه كويس من القشر ونحطها علي النار وممكن نزودها شويه لو قلت حسب كميه الملوخيه ونعمل المراحل العاديه بتاعت الملوخيه
تفرومي الثوم والفلفل الاخضر والكسبره وناخد نصف المقدار ونضيفه للشوربه ونضيف معلقه صغيره سكر
وبعدين نسبها تقريبا ربع ساعه تغلي ونضيف الجمبري المقشر والملوخيه مع بعض علشان الجمبري مش المفروض يغلي كتير علشان ما يجلد واول ما الملوخيه تغلي غلوه واحده نضيف التقليه وهي باقي الثوم الي فرمناه مع الكسبره نحمره لحد ما يبقه زهبي ونضيفه للملوخيه وطبعا بنعمل جانبها رز ابيض