عاجل.. أول رد من حسام حبيب على قذائف شيرين عبد الوهاب
عاجل.. أول رد من حسام حبيب على قذائف شيرين عبد الوهاب
قام الفنان حسام حبيب، بالرد على التصريحات النارية التى أدلت بها زوجته السابقة النجمة شيرين عبدالوهاب، فى برنامج كلمة أخيرة مع الإعلامية لميس الحديدى، والذى يذاع على قناة أون الفضائية.
ونشر برنامج “et بالعربى”، على صفحته الرسمية على موقع التدوينات القصيرة “تويتر”، تسجيلا صوتيا لـ حسام حبيب، يرد فيه على تصريحات شيرين عبد الوهاب، مؤكدا أنه قرر اللجوء للإجراءات القانونية للحصول على حقه على أثر هذه التصريحات.
وأضاف حسام حبيب: “هيكون فيه إجراء قانونى.. أنا عمرى ما دافعت عن نفسى.. الكلام اللى أنا هرد بيه كلام كله بوثائق، مش هقول كلام مرسل، كل حاجة دلوقتى بحضرها”، مستطردا: “أنا كنت ساكت حفاظا على شيرين وسمعتها، وعلى بيتها”.
وأضاف: “أنا دلوقتى هطر إنى اتكلم، لأن الكلام بقى زيادة قوى، أنا كل اللى هعمله مش هطلع أتكلم كلام مرسل، أنا هطلع أتكلم كلام بحقايق وبوثائق، عشان أنا معرفش أقول كلام مرسل، ومش هفترى على حد”.
وتابع حسام حبيب: “أنا أبتز عشان خاطر اسمع الكلام ولو مسمعتش الكلام هيحصل فيا كده، شيرين بتهدد دايما بجمهورها أنى هى هتعمل فيا كده، وهى فعلا بتحاول تعمل كده”.
وأضاف: “أنا إجراءاتى هتكون القانونية، وردى فى الإعلام هيبقى كله بوثائق وحقايق، علشان كده أنا مش مستعجل أنا بظبط دلوقتى كل حاجة”.
تصريحات شيرين عبد الوهاب ضد حسام حبيب
فجرت الفنانة شيرين عبدالوهاب، مفاجأة خاصة بطلاقها وعودنها من جديد للفنان حسام حبيب.
وقالت شيرين عبد الوهاب، خلال مداخلة هاتفية فى برنامج “كلمة أخيرة” الذى تقدمه الإعلامية لميس الحديدى على قناة “ON”، إنها بعد طلاقها من حسام قررت العودة له من جديد ومنحه فرصة جديدة.
وأوضحت شيرين عبد الوهاب: “اطلقنا وبعد ما هديت من الكارثة اللى حصلت حسيت إنى مش قادرة أستغنى عنه وإنى أديله فرصة تانية وكل اتنين مع بعض لما بيسيبوا بعض بيكون فيه فجر فى الخصومة، علاقة الزواج مقدسة لازم نحافظ عليها”.
وأكدت أنها طلبت بعض الشروط من أجل العودة من جديد لحسام وهى وجود منزل منفصل، وعدم تعرض بناتها لأى مشاكل نفسية.
وأضافت شيرين عبد الوهاب: “حاولت أقول للبنات أن حسام لسه موجود فى حياتنا، لحد ما المشاكل وقلة الأدب ترجع تانى”