بالفيديو..رسالة للمصريين من مقيم في #أمريكا

بالفيديو..رسالة للمصريين من مقيم في #أمريكا

لقى فيديو على مواقع التواصل الاجتماعي، إنتشار واسع لمواطن مصري مقيم في أمريكا، يوجه رسالة للمصريين يحذرهم من هدم بلدهم، ويكشف عن المعاناة التي يعيشها في الولايات المتحدة الأمريكية.

المقيم المصري خلال الفيديو: “مفيش حاجة ببلاش، الواحد بتطحن ايده ورجله، في الشغل 5 أيام، ومفيش قدرة تعيش إلا لو الزوج والزوجة بيشتغلوا، والأولاد بيشتغلوا، في مصر رب الأسرة بس اللي بيشتغل، والكل مبرطع، الناس في أمريكا عيونها حمرا، ناس صاحية بدري مشبعتش نوم، وراحة الشغل”.

وأضاف: “الإيجار رهيب، في مصر البدروم سكن الغلابة، في أمريكا تسكن فيه بـ1500 دولار وأنت دكتور، لو عايز تسكن في أوضتين، تدفع 2500 دولار، مرتبك للإيجار، ومرتب مراتك للأكل، أنتوا في مصر في نعمة، واللي بيدعوا لهدم البلد مزقوق علينا، مصدره الإرهاب”.

وأردف: “الراجل طاحن نفسه عشانكم، والحياة في أمريكا صعبة، متتبطروش على النعمة، أنت بتاكل وتشرب ببلاش، الجوافية الواحدة هنا بدولار ونصف، المحلات ناقصها حاجات كثير، يقولك مجتش النهاردة، في مصر كله موجود حكومة تعمل 24 ساعة، مصر دولة عظيم نفدت من كل محاولات طمسها، بقيادة رجل مخلص، السيسي ابن البلد وابن الوطن الحقيقي، مليان إخلاص وضمير بيحب الناس كلها”.

واستطرد: “ضابط الشرطة في أمريكا لو حس بالخطر يهرب، ضابط الشرطة في مصر لا يمكن يهرب يتصدر ويموت ويقول فداكي يا مصر”.