اوعديني
اوعديني
كلمات الشاعر جمعه الصباغ الصباغ
اوعديني يااغلي نسمه
يلي حبك ليا نعمه
تبقي كلمه تبقي غنوه
تبقي ذكرى لطول سنيني
اوعديني انك لحبي
اوعى مره تنسي قلبي
تبقي طول العمر جنبي
واتعب انتي اللي تداويني
دانتي لو شوفتي حناني
اللي موجود في كياني
كنتي هتحبيني تاني
كنتي هدوبي ف حنيني
يلي حبك مالي روحي
ميلي داويلي جروحي
ولما تبعدي لحظه عني
عاوز اندهلك تجيني
يلي انتي اخدتي حياتي
دمع رايح فرح أءتي
بسهر افتكرك ليلاتي
وف منامي بتناديني
اوعديني ياأحلى ورده
تبقي ليا من النهارده
لا تكوني نجمه شارده
قربي مابينك وبيني
اوعديني اعيش حنانك
يلي انا عايش عشانك
وابقى كلمه فوق لسانك
ابعد انتي ترجعيني
اوعديني الف وعد
اننا نبقا لبعض
واوعي يحصل بينا بعد
لو تغيبي هتوحشيني
اوعديني