#ياسمين_عز_جوزك أما يناديلك باسمه فخر ليكي..واعزمي حماتك على الأكل عشان هتفيديك

#ياسمينعزجوزك أما يناديلك باسمه فخر ليكي..واعزمي حماتك على الأكل عشان هتفيديك

قدمت الإعلامية ياسمين عز مجموعة نصائح للسيدات بشأن تعاملها مع زوجها وحماتها.

وطالبت ياسمين عز، خلال برنامجها كلام الناس المذاع على قناة mbc مصر، الزوجات بدعوة الحموات على العزومات بدلا من الأقارب.

وأضافت: “لو بنت خالتك بتاكل كتير هتاكل في يومين خزين التلاجة اللي الراجل بيتعب فيه فرفقًا بجوزك”.

وتابعت: “اعزمي حماتك عشان هي بتحبك وبتحب ابنها هتيجي وإيديها مش فاضية بتيجي بخيرات ربنا هتملالك التلاجة.. الحماة حنينة مع انها معزومة المفروض تيجي وايديها فاضية، حماتك هتفيديك مش بنت خالتك متعزميش اهلك وقرايبك اليومين دول”.

وتطرقت ياسمين عز عن مشكلة أخرى تواجه النساء، فقالت: “في واحدة بتقول جوزي بينده عليا باسمه هو أنا معنديش اسم ينادوني بيه حبيت السؤال وهجاوبك، عندك اسم واسم جميل كمان بس الراجل جوزك خايف عليكي، خايف حد يعاكسك بيحبك، متنازل ليكي عن أعز ما يملك وهو اسمه انتي زعلانة”.

وأضافت: الحركة دي فيها استعارة مكنية معنى كل حب وانتي مش واخدة بالك، الراجل كدة عايز يقولك ان انت نفسه وان انتوا واحد لو ناداكي باسم واحدة تانية هتعملي اي، براحة على الراجل شوية، الراجل في البيت بيناديكي باسمك عادي وبيدلعك”.

واختتمت: “اما يناديكي باسمه ده فخر والمفروض انتي تطلبي منه كدة وتقوليله أنا مدام فلان وحرم فلان”.