بتحبيه ….. !!!؟
بتحبيه ….. !!!؟
كلمات: الشاعر اللواء محمد هيكل
بتحبيه ….. !!!؟
وكل دقيقة تفكــــــــري فيه ….. !؟
شاغلك قوي عن كل الدنيـا
و ليل و نهار بتخـافي عليه …… !؟
صورته ف عينك ؟
بينـه …. وبينـك
حب كبير والصــــدق مــاليه ….. !؟
مـالـي عـليكـي كل حـيـاتـك
وانتي الحلــــم اللـي محليه ….. !؟
تعرفـي إنه حـبـابي عـنيكي
و إنك روحــــه وضي عنيـه ….. !؟
تعرفـي إنـك .. حـلم حـياته
و صوت دقـاته اللي مدفـيه ….. !؟
أغلا عليه من روحه و ذاتـه
و من كل العالــــــم و مافيه …… !؟
لو غـاب عـنك حـبـه تلاقـي
ب كل اللهفــه …. بتستنيـه …… !؟
و أما بيرجع يفتـح حضنك
ويجري بسرعه .. و يخبيـه …… !؟
قلب مفيش في العالــم منه
أجمل … راجل …. هتحبيه ….. !؟
أصـدق حـد عـنـيـه بيحـنوا
مين في الكون يتقـارن بيـه ….. !؟
أكتـر قلب مـدفــي غرامــك
وعايشه جميع أيامــك بيـه …… !؟
أيوه يابت فارس أحلامــك
بابا الغالي .. ومين يساويه …… !؟
