#بعد تعرضها للسرقة.. منة فضالي تروي تفاصيل صادمة عن خادمتها.. صوره
#بعد تعرضها للسرقة.. منة فضالي تروي تفاصيل صادمة عن خادمتها..صورة
كشفت الفنانة منة فضالي تعرضها للسرقة في منزلها من قبل خادمتها، وذلك عبر حسابها الرسمي على موقع التواصل الاجتماعي فيسبوك.
وكتبت منة فضالي: البنت دي بقالها عندي سنه و شهرين اسمها سميره و مش معاها باسبور و قولتلها هاتي باسبور اعملك اقامه قالتلي محتاجه يومين اجازه طلبت المكتب يجي ياخدها علي اساس انها حتروح تجبلي باسبورها وادتها تليفون علشان معهاش تليفون علشان اعرف اكلمها أول حاجه محبتش حد يعرف عنوانها و خليت المكتب يوصلها في مكان بعيد و واحده جت اخدتها منهم وبعد كده التليفون اتقفل وعملت بلوك ليا ولأمي .
وأضافت: اكتشفنا بعدها إنها سارقه كل حاجه من البيت عن طريق أكياس القمامه السوده وهي خارجه من عندنا كان معاها شنطتها الصغيره بعد كده لقناها واخده حلق وخاتم أمي الذهب وسلسله ذهب كبيره وسارقه هدوم كتير من عندي وشنط غاليه .
وتابعت: كلمت المكتب وهما حاولوا يوصلولها راحت مخليه واحده تزعق معاهم وعملت للمكتب بلوك ودي صورها ببعض الحاجات اللي سرقتها من عندي والست دي هي المسؤله عنها حاولت أتواصل معاها قفلت في وشي وعملت بلوك .
وأوضحت: روحت القسم وعملت محضر بالمسروقات واديتهم رقم باسبورها وإن شاء الله يعرفوا يجيبوها .
وأضافت: المشكله الأساسي إني عرفت بعد كده إن البنت دي بتشتغل مع حد في نيجيريا بتاع مخدرات وإنها متصابه كذا مره بالرصاص، مش عارفه إزاي الناس دي بتدخل البلد بالشكل ده .
واختتمت حديثها قائلة: أنا عملت خير معاها أوي وربنا يعلم والناس كلها اللي جات بيتي شافت كنت بتعامل معاها إزاي، لكن اكتشفت إن دول معندهمش ضمير وطبعهم الخيانه.. اتقي شر من أحسنت إليه، وإن شاء الله القانون هيجبلي حقي منها .
